About Me (Profile)

My Profile

Compiled by Abhishek,Nishit,Vikas

Disclaimer(by DK): I have copied content as it is submitted in hostel profile book. Every written below has lesser than 5% probablity of being a truth. If it hurts any of your feelings,please take it lightly as it was written for fun only.

Dheeraj Kumar Arora or is it Dheeraj Arora or is it Dheeraj Sidana. We are still confused ki iska asli naam kya hai. Waise ham sab to isse DK ke naam se hi jante hain. DK aka daku aka sardar aka monu.

Kya mei nashe me hu?? means kya mene pi rakhi he?? means kya aapko lagta he ki me ladkhada ke chal raha hu...means to aapki jankari ke liye..mujhe to kisi ke pyar ka nasha he..mene love ki doze pi rakhi hei..n me usi ke khayaloon me matak matak ke chal raha hu...means m bevda in love...ussh means in one word..loveria hua hai.

DK ko har dusre din ek nayi ladki se pyar ho jata hai. Aaj Puja kal koi duja. Yeh khud hi bolta hai ki "mai chahta hun ki har batch me meri ek girlfriend ho". Apne is aim ko pura karne ki shuruat DK ne B. E me hi kar dithi. Sabse pahle iski buri najar Sneha par padi. Din raat usi ke khayalon me khoya rahta thaa. Phir ek din himmat juta ke is ashiq nei apne dil ki baat usse email kar di. Thodi der ke baad inbox me uska mail dekh ke iska dil baag baag ho gaya. Isne badi asha ke saath us mail ko khola. Parantu mail padhte hi iske
sare arman chur chur ho gayei. Usme likhe thaa:"Tumhara dimag to theek hai".

Us din ke baad se yeh diwana ek shayar bhi ban gaya. DK ke dil ke ansun kuch is tarah se bahar umad pade:
Mohabbat me Aksar yeh haal hota hai,
Ankhen hasti hai magar dil rota hai,
Mante hai hum jise manzil apni,
HUMSAFAR USKA KOI AUR HOTA HAI

Kisi tarah DK is sadme se ubara aur phir se naye shikar ki talash me nikal pada. Aur iski khushnasibi sei shikar khud hi halal hone ke liye iske shikanje me chala aaya. GATE me matke se acchi rank aa gayi DK ki to ek senior ladki ne haath mila ke congratulate kiya. Ab DK ki to aisi philosophy hai ki: Jisne hamko chua, Woh hamara hua. Isliye woh manne laga ki ladki ko usse pyar ho gaya. Par isse pahle ki baat aage badh pati, woh ladki passout hoke chali gayi.

Yeh sab hone ke baad DK itna desperate ho gaya ki apne doston ki girl friends par najar rakhne laga. Iske ek khas friend nei, DK per bharosa karke, usse apni girlfriend se milwaya. Taki DK usse apne dil ki baat jahir karne me madad kar sake. Par ladki dekhte hai iski niyat kharab ho gayi. Ise laga ki friend se to kuch hone wala hai nahi,to kyon naa mai hi ispe haath saaf kar lun. Par har baar ki tarah yahan bhi kat gaya.

IIT me bhi isne MTech1 aur MTech2 donon me kai possible candidates fix kar rakhe hain. Ab yeh itna chot khaya hua hai ki directly to hamein apne dil ki baat bata nahi paata. Par indirectly hint deta rahta hai. Jaise ki pichle saal july ke baad se isne khub "halwa" khana shuru kar diya hai. Ek aur ladki ke bare me DK ke aise khayal hain(in his own words) "iske saath 1 saal timepass kar lunkya?".

Ek MTech2 wali ki kisi tarah har dusre din baat chedta rahta hai. Jaise kabhi bolega "Aajkal woh dikh nahi rahi hai" yaa phir "Mujhse baat nahi karti woh aajkal", "aaj isko propose kar dun kya". Par usko bhi pata hai ki propose ka answer kya hoga, isliye sirf hamein bol ke hi apna man masos leta hai. Waise aajkal class ki kai ladkiyon ke saath iske relations gaharate jaa rahe hain. Apne doston ko bhula ke yeh unhi ke
saath chatting karta rahta hai, saath me maddu mess jata aur paise bhi apni jeb se nikalta hai (jo ki hamne isse udhar diye hote hain). Ham isse staffC me biscuit dilate hain aur yeh CH me aake pata nahi kisko khila deta hai. Par phir bhi ham to yahi chahte hain ki inmei se ek relations ki happy ending ho jayei. Janaab ne SECNET mein bhi itni jamke kaam kiya ki kisi ladki ne feedback form mein likha "DK luv u :)".

Iske kaam ke bhoj ko dekh ke hamne isei kai baar bola ki "kuch help chahiye to batana". Par shayad usse ham par bharosa nahi thaa. Isliye usne class ke "bade" logon ko lekar ek naye Board of Directors ki rachna kar dali. Is board mai koun koun hai yeh to shayad aap log samajh hi gayei honge. Class ke har event ke pahle yeh log CH me khusar phusar karte hue dikhayi dete hain. Aur dusre din mail me hukum jari kar dete hain ki "We have decided that ....". Iske baad hum aam janta ko kuch bhi crib ho uski sunvayi nahi hoti hai. DK kahane ko to is board ka chairman hai par andar ki baat to yeh hai ki DK ki wahan pe bilkul bhi nahi
chalti hai. Baki andar ki baat janne ke liyei aur vishesh tippani ke liye Board ke Secretary Aniket Kate se sampark kiya jayei.

Jisne bhi iski autograph boook mei entry padhi hogi, samajh hi gaya hoga ki yeh kitna fart aadmi hai. Inka din me aadhe se jyada time to "pine" use karne me chala jata hai. DK uthte se hi sabse pahle 1 mail karta hai jiska subject hota hai "Good Morning". Thode hi samay me inka inbox pachchison mails se bhar jata
hai. Un sabka subject rahta hai " Good Morning" aur body khali hoti hai. Phir dupahar ko "Good Afternoon", shaam ko "Good Evening", aisa karte karte din me inhei 150 ke aaspaas mail aa jati hain. Aur jab in mails se fursat milti hai to MTech2 pe spam karta rahta hai. Par ab shayad isse pata pad gaya hai ki class ke maximum logon ne filter laga rakha hai jo automatically iski mails delete kar deta hai. Isliye ab yeh board ke baki members se mail karwata hai. Aur agar mail nahi kar rahe honge to yeh newsgroup padh rahe honge yaa phir kuch fart posting kar rahe honge. Yeh "cse.btech1" se lekar "cse.mtech2" tak, aur iitb ke bhi kai sare newsgroups padhta hai. Inhe bahut hi dukh hota hai jab iski fart postings kalog reply nahi karte hain.

Inka baat start aur end karne ka bhi andaj nirala hai. Shuruat karte samay inke typical dialogues hain:
"Hai meri jaan, Khila dun tujhe paan, dikha dun aasman ....". Isse complete yeh abhi khud karenge. Aur vidai ke samay bhai saab bolte hain ki:
"love u hamesha, love u miss u". Ek baar to had aisi ho gayi ki inhone CH ke white board par yeh likh diya. Baad mei isne realise kiya ki yeh non erasable marker thaa to iski fat gayi. Par hamei to lagta hai isne jaan bujh ke kisi ko apna sandesh pahunchane ke liye aisa kiya.

Iske man mei jo aata hai bol deta hai bina sochei. Iski awaj bhi badi unchi hai aur ham log to confuse rahte hain ki yeh baat kar raha hai yaa dant raha hai hamei. Iske kahar se profs bhi nahi bach pate hain. Sharat sir ne inhe Anil ko ek chota saa mesg pahunchane ke liye bola. Inhone aav dekha naa taav aur bak diya "This is not my work". Aapko pata hi hoga ki mail bhi bina soche samjhe karte hain. Uday sir ne badi mushkil sei project demo ke liye ek date fix ki thi. Aur yeh janaab 1 din pahle UK ko mail karke bolte hain: "I am busy
tommorow. I will give demo on xyz date". Note kiya jayei ki kahin pe bhi "Please" yaa "Sir" jaise shabdon ka ullekh nahi thaa.

Peene me bhi yeh kam nahi hai. Thodi si peete hi bahak jahta hai aur ajeeb ajeeb si harkat karne lagta hai. Aur yeh sab hamne jo loveria ke kisse batayein hai, woh sab SP ki den hai. Bottle andar, secret bahar. Hosh me aane ke baad sala aisa natak karta hai ki mujhe to chadi hi nahi thi. Ab yeh photo dekh ke aap hi log decide kijiye kiise chadi thi yaa nahi.

Hamne to kafi kuch bol diya iske bare me ab aap uske khud ke words me uska description sun lijiye:
A Looser who can win each and every game. An IT professional with no professionism. An IITian with zero mind. A student having no interest in study. A fun loving guy but boring for others. A fart shayar. A guy who don't have time for his best friend and even his family. and finally active member of FOSLA.

He has a great sense of humour. Kaisi bhi situation ho yeh apni fart sei aapko hasne pe majbur kar deta hai. He is also very helpful and responsible person. Har kaam dil se karta hai. (waise ham isse samajh samajha ke pareshaan ho gaye hain ki kabhi kabhi dimag se bhi kar liya kar). He is a great CR and is very active in departmental activities. He also got a Department color for hiscontributions. DK Rocks!!!